نرگسی کوفتے
اجزاء
قیمہ ایک کلو
لہسن ادرک پسا ہوا ایک کھانے کا چمچ ہے
نمک حسب ذائقہ
لال مرچ پسی ہوئی ایک کھانے کا چمچ
ہری مرچ چار سے پانچ عدد
ہرا دھنیا حسب ضرورت
بھنے ہوئے چنے تین سے چار کھانے کے چمچ
ڈبل روٹی کے سلائس دو عدد
انڈے آٹھ عدد
گریوی کے اجزاء
پیاز کٹا ہوا دو سے تین عدد درمیانی
لہسن ادرک پیسٹ ایک چائے کا چمچ
نمک حسب ضرورت
لال مرچ پسی ہوئی ایک چائے کا چمچ
دھنیا پسا ہوا ایک کھانے کا چمچ
ہلدی آدھاچائے کا چمچ
سفید زیرہ ایک چائے کا چمچہ
ثابت گرم مصالحہ ایک کھانے کا چمچ
دہی ایک سے ڈیڑھ پیالی
کوکنگ آئل آدھی پیالی
ترکیب
قیمے میں کوفتے کے تمام مصالحہ جات ملا کر دو مرتبہ اچھی
طرح پیس لیں۔ اب اس میں ایک
انڈا ملائیں دس سے پندرہ منٹ کے لیے فریج میں رکھ دے۔ باقی کے انڈوں کو اچھی طرح
ابالیں۔ ہاتھوں کو ہلکا سا چکنا کرکے قیمے کو اچھی طرح انڈوں پر لپیٹ دیں اسی طرح
سارے انڈوں کو قیمے میں لپیٹ کر ایک سائیڈ پر رکھ دیں اور گریوی تیار ا کر لین۔
گریوی بنانے کی ترکیب
بڑے سائز کی دیگچی میں کوکنگ آئل کو درمیانی آنچ پر رکھ
دیں۔ اب اس میں گرم مصالحہ ڈال دیں۔ جب تک کہ کڑکڑانے نہ لگے ساتھ ہی پیاز ڈال کر سنہرا
فرائی کر لیں۔ اب تمام مصالحہ جات کو دہی کے ساتھ دیگچی میں ڈالیں اور اتنی دیر تک
بھونیں مسالے سے تیل علیحدہ نظر آنے لگ جائے۔ اب مسالے میں ایک کپ پا نی شامل
کردیں ابال آنے پر اس میں کوفتے ڈال دیں۔ تھوڑی تھوڑی دیر بعد کپڑے کی مدد سے
دیگچی کو ہلاتے رہیں۔ اگر پانی زیادہ خشک ہو جائے تو ایک کب پانی پھر سے ملا دیں۔
دھنیا ہری مرچیں ادرک ڈال کر پانچ منٹ کے لیے ہلکی آنچ پر دم پر رکھ دیں مزے دار
نرگسی کوفتے تیار ہیں۔
Comments
Post a Comment